2017 ОНД ДОРНОГОВЬ АЙМГИЙН ХҮН АМ УРЬДЧИЛСАН ДҮНГЭЭР 2.4 ХУВИАР ӨСЛӨӨ.

Нийтэлсэн: 2018 он 01 сар 12. 17 цаг 26 минут
2017 оны эцэст 68.2 мянган байнгын оршин суугчтай болж 2016 оны жилийн эцсийн хүн амын мэдээнээс 2.4 хувиар буюу 1586 хүнээр нэмэгдэв. Нийт хүн амын 50.0 хувь буюу 34.1 мянган эмэгтэйчүүд, 50.0 хувь буюу 34.1 мянган эрэгтэйчүүд байна. Энэ онд Айраг, Алтанширээ, Дэлгэрэх, Иххэт, Мандах, Өргөн, Хатанбулаг, Эрдэнэ, Сайншанд, Замын-үүд сумдын хүн амын тоо 0.3-4.1 хувиар нэмэгдлээ. Хүн амын 63.1 хувь буюу 43.0 мянга нь Сайншанд, Замын-Үүд сумдад оршин суудаг. 2017 оны эцэст 20844 өрхтэй болсон бөгөөд энэ нь өмнөх оныхоос 2.9 хувиар буюу 545 өрхөөр нэмэгджээ. Нэг өрхөд ногдох хүний тоо 3.3 байна.
Дэлгэрэнгүй

ДОРНОГОВЬ АЙМГИЙН 2017 ОНЫ МАЛ ТООЛЛОГЫН УРЬДЧИЛСАН ДҮН ГАРЛАА.

Нийтэлсэн: 2017 он 12 сар 28. 17 цаг 35 минут
Аймгийн мал тооллогын комиссын дарга, Засаг даргын орлогч Г.Эрдэнэцэцэг 2017 оны мал тооллогын урьдчилсан дүнгийн талаар мэдээлэл хийлээ. 2017 оны жилийн эцсийн мал тооллогын дүнгээр 2001.6 мянган толгой мал тоологдсоны дотор 40.7 мянган тэмээ, 133.2 мянган адуу, 72,6 мянган үхэр, 861,5 мянган хонь, 893,6 мянган ямаа тоологджээ. Нийт малын тоо өмнөх оноос 14,2 хувь буюу 248.7 мянган толгойгоор өслөө. Мал сүргийн тоог таван төрлөөр авч үзвэл тэмээ 8,0 хувь, адуу 12,3 хувь, үхэр 15,3 хувь, хонь 13,6 хувь, ямаа 15,3 хувиар тус тус өссөн байна. Жил бүрийн эцсийн мал тооллогын дүнг харахад аймаг байгуулагдсан 1931 оноос нэг саяас дээш мал тоолуулсан 24 дэх жил, хоёр саяас дээш мал тоолуулсан анхны жил байлаа.
Дэлгэрэнгүй

ДОРНОГОВЬ АЙМГИЙН НИЙГЭМ, ЭДИЙН ЗАСГИЙН 2017 ОНЫ 11-Р САРЫН ТАНИЛЦУУЛГЫГ ХЭРЭГЛЭГЧДЭД ТАРХААЛАА.

Нийтэлсэн: 2017 он 12 сар 15. 17 цаг 07 минут
Дорноговь аймгийн хэмжээнд 2017 оны эхний 11 сард 1199 эх амаржиж, 1204 хүүхэд шинээр мэндэлжээ. Амаржсан эхийн тоо өмнөх оны мөн үеэс 10.7 хувиар буюу 143-аар, төрсөн хүүхдийн тоо өмнөх оны мөн үес 10.9 хувиар буюу 148-аар буурсан байна. 2017 оны 11 сарын байдлаар 315 хүн нас барсан нь өмнөх оны мөн үеэс 7.1 хувиар буюу 24-өөр буурчээ. Хүн амын цэвэр өсөлт 889 болж 2016 оны мөн үеийнхээс 12.2 хувиар буюу 124-өөр буурчээ. 1000 хүнд ногдох төрөлт 18.6, нас баралт 4.9 байгаа нь өмнөх оны мөн үетэй харьцуулахад төрөлт 2.8 пунктээр, нас баралт 0.5 пунктээр тус тус буурсан байна.
Дэлгэрэнгүй

2017 ОНЫ МАЛ ТООЛЛОГО ТҮҮНД ТАВИГДАХ ХЯНАЛТЫН АЖИЛ ХИЙГДЭЖ БАЙНА

Нийтэлсэн: 2017 он 12 сар 08. 16 цаг 31 минут
Аймгийн мал тооллогын комиссоос ажлын 5 хэсэг гарч, тооллогын товын хугацаанд сумдын мал тооллогын ажлын бэлтгэл зохион байгуулалт, малаа ялангуяа бод малыг тооллогод бэлэн байлгаж байгаа эсэх, өрх нэг бүрийн малыг биечлэн тоолж бүртгэлжүүлэх болон тавиул алдуул, отроор өөр аймаг сумын нутагт яваа малыг тооллогод орхигдуулахгүй байх, тооллогын багийн ажлын хариуцлага зэрэгт хяналт тавин ажиллаж байна. 2017 оны жилийн эцсийн мал тооллогын үед аймгийн комиссоос сумдын малчин өрхийн 10.0 хүртэл хувьд нь 4.7 мянган км зам туулж хяналтын тооллого хийнэ. Мөн тооллогын хяналтыг аймгийн засаг даргын Тамгын газар, Мэргэжлийн хяналтын газар, Ус, цаг уур орчны шинжилгээний газар, Хүнс, хөдөө аж ахуйн газар, Нийгмийн даатгалын хэлтэстэй хамтран зохион байгуулах юм. Өнөөдөр Нийгмийн даатгалын хэлтсийн дарга, мал тооллогын комиссын гишүүн Л.Шагдарсүрэнгээр ахлуулсан хэсэг Алтанширээ суманд ажиллаж байна.
Дэлгэрэнгүй

ХҮН АМЫН БҮРТГЭЛ, МАЛ ТООЛЛОГЫН ТАЛААРХИ СУРГАЛТЫГ ЗОХИОН БАЙГУУЛЛАА

Нийтэлсэн: 2017 он 12 сар 05. 11 цаг 09 минут
"Статистикийн тухай" Монгол Улсын хууль, Засгийн газрын 2003 оны 224 дугээр тогтоолын дагуу мал, тэжээвэр амьтдын 2017 оны жилийн эцсийн тооллого уламжлал ёсоор энэ оны 12 дугаар сарын 7-17-ны хооронд зохион байгуулагдах гэж байна. Энэ ажлын хүрээнд сумдын Санхүүгийн албаны дарга, багийн Засаг дарга нарт зориулсан сургалтыг 2017 оны 12 сарын 04-ний өдөр зохион байгуулж явууллаа. Сургалтыг мал тооллогын зохион байгуулалт, маягт нөхөх заавар, Хөдөө аж ахуй, өрх хүн ам зүйн мэдээ тайланг гаргахад анхаарах асуудал, зөвлөмж, хүн ам, өрхийн мэдээллийн сангийн програм, хэрэглээ, статистикийн мэдээллийн нэгдсэн сан зэрэг сэдвийн хүрээнд зохион байгуулав. Мөн энэ үеэр Хүнс хөдөө аж ахуйн газрын Мал аж, ахуйн хэлтсийн дарга Н.Наранбаяр “Мал тооллогын үйл ажиллагаанд мал аж, ахуйн талаар анхаарах асуудал”, Биеийн тамир спортын газрын ахлах мэргэжилтэн Б.Бат-Эрдэнэ “Биеийн тамир, спортын улсын тооллого”-ын талаар мэдээлэл хийлээ.
Дэлгэрэнгүй

МАЛ ТООЛЛОГО 2017 ОНЫ 12 САРЫН 07-17 НЫ ӨДРҮҮДЭД БОЛНО.

Нийтэлсэн: 2017 он 11 сар 29. 17 цаг 37 минут
"Статистикийн тухай" Монгол Улсын хууль, Засгийн газрын 2003 оны 224 дугээр тогтоолын дагуу мал, тэжээвэр амьтдын 2017 оны жилийн эцсийн тооллого уламжлал ёсоор энэ 12 дугаар сарын 7-17-ны хооронд зохион байгуулагдах бөгөөд аймгийн Засаг даргын “Хүн амын бүртгэл, мал тооллогын ажлыг зохион байгуулах тухай” 2017 оны 11 дүгээр сарын 29-ны өдрийн А/805 тоот захирамж гарлаа. Тус захирамжаар аймгийн Засаг даргын орлогч Г.Эрдэнэцэцэгээр ахлуулсан мал тооллогыг зохион байгуулж явуулах комисс, суманд хийх хяналтын тооллогын үйл ажиллагааны зардал, сургалтын зардлыг баталсан болно.
Дэлгэрэнгүй

МЭДЭЭЛЭЛ ХИЙЛЭЭ

Нийтэлсэн: 2017 он 11 сар 24. 16 цаг 09 минут
Хэрэглэгчид та бүхэн статистикийн мэдээллийн нэгдсэн сан www.1212.mn, онлайн лавлах, лавлах утас 1900-1212, гар утасны үнэгүй аппликэйшнээр дамжуулж статистик мэдээллийг түргэн шуурхай авч ашиглах боломжтой юм. Мөн хэлтсийн вэб болон page хуудсаар дамжуулан аймаг, орон нутгийн нийгэм эдийн засгийн байдлын танилцуулга, гол нэр төрлийн үнийн судалгаа болон бусад бүтээгдэхүүн үйлчилгээг тархааж байна. Мэдээллээ илүү ойр хүргэх үүднээс, хэрэглэгчдийн статистик боловсролыг нэмэгдүүлэх зорилгоор сургалт, сурталчилгааны ажлуудыг үе шаттай хэрэгжүүлж байгаа бөгөөд энэ удаагийн мэдээллийн цагт Аймгийн ЗДТГ, ИТХ, Хөдөлмөр, Халамж үйлчилгээний газар хамрагдлаа.
Дэлгэрэнгүй

“БҮРТГЭЛ, СТАТИСТИКИЙН ТЭРГҮҮНИЙ АЖИЛТАН” ЦОЛ ТЭМДГЭЭР ШАГНАВ.

Нийтэлсэн: 2017 он 11 сар 20. 16 цаг 49 минут
Статистикийн байгууллага үүсч хөгжсөний 93 жилийн түүхт ойг тохиолдуулан эрхэлсэн ажилдаа олон жил үр бүтээл, идэвхи санаачлагатай ажиллаж, статистикийн салбарын үйл ажиллагаанд өөрийн бодитой хувь нэмэрээ оруулсан хичээл, зүтгэлийг нь үнэлж Статистикийн хэлтсийн дарга Х.Өлзийсүрэн, Дэлгэрэх сумын Бумбат багийн Засаг дарга Б.Баярсайхан нарыг “Бүртгэл, статистикийн тэргүүний ажилтан” цол тэмдгээр шагнаж урамшууллаа.
Дэлгэрэнгүй

  САРЫН ШУУРХАЙ МЭДЭЭ
  МЭДЭЭ ТАЙЛАНГИЙН МАЯГТ
  ЗААВАР АРГАЧЛАЛ
  ДИНАМИК СУДАЛГАА
  ЗУРГИЙН ЦОМОГ
  ПРОГРАМ ХАНГАМЖ (мэдээ)
 

 

  7 хоногийн үнийн мэдээ /2018 оны 7-р сарын 18 ны байдлаар/
              Нэр төрөл Үнэ /төг/
  Гурил, I зэрэг, кг 1067
  Хонины мах, кг

6933

  Үхрийн мах, кг 9500
  Ямааны ястай мах,   5933
  Элсэн чихэр, кг 1867
  Цагаан будаа, кг 2200
  Шингэн сүү, л 2000
  Ноолуур, кг 80000
  Бензин, А-80 1728
  Бензин, А-92 1855
  Дизелийн түлш 2195

.....................................................Дэлгэрэнгүй.