МЭДЭЭЛЭЛ ХИЙЛЭЭ.

Нийтэлсэн: 2019 он 11 сар 20. 07 цаг 26 минут
Статистикийн хэлтсээс орон нутгийн телевизтэй хамтран аймгийн нийгэм, эдийн засгийн танилцуулга болон шинэ мэдээ мэдээллийг иргэдэд хүргэх ажлыг сар бүр зохион байгуулж байгаа билээ. Энэ ажлын хүрээнд аймгийн 2019 оны 10 дугаар сарын танилцуулгаар мэргэжилтэн А.Амарзаяа мэдээлэл хийлээ.
Дэлгэрэнгүй

ДОРНОГОВЬ АЙМГИЙН НИЙГЭМ ЭДИЙН ЗАСГИЙН 2019 ОНЫ 10-Р САРЫН ТАНИЛЦУУЛГЫГ ХҮЛЭЭН АВЧ ТАНИЛЦАНА УУ.

Нийтэлсэн: 2019 он 11 сар 15. 03 цаг 45 минут
Оны эхний 10 сарын байдлаар аж үйлдвэрийн салбарт 174855.0 сая төгрөгийн бүтээгдэхүүн үйлдвэрлэж, 281393.6 сая төгрөгийн бүтээгдэхүүнийг зах зээлд борлууллаа. Өмнөх оны мөн үетэй харьцуулахад нийт бүтээгдэхүүн үйлдвэрлэлт 5.6 хувиар буурч, борлуулалт 5.0 хувиар өссөн байна. Аж үйлдвэрийн бүтээгдэхүүн үйлдвэрлэлийн 3.1 хувийг төрийн, 96.9 хувийг хувийн өмчийн аж ахуйн нэгжүүд үйлдвэрлэжээ. Аж ахуйн нэгжийн хариуцлагын хэлбэрээр авч үзвэл улсын үйлдвэрийн газар 3.1 хувь, компани 96.5 хувь, өрхийн аж ахуй 0.4 хувийг тус тус эзэлж байна. Cтатистикийн мэдээлэлд хамрагдсан гол нэр төрлийн бүтээгдэхүүн үйлдвэрлэлийг өмнөх оны мөн үетэй харьцуулахад дулаан 38.5 мян.ккалаар, ус түгээлт 217.0 мян.м3-аар, сувагжуулалт 140.5 мян.м3-аар, савласан цэвэр ус 437.3 мян.литрээр, талх 25.7 тонноор, нарийн боов 50.7 тонноор, бялуу 0.8 тонноор, хиам 8.8 тонноор, сүүн бүтээгдэхүүн 11.8 мян.литрээр, хэрчсэн гурил 8.3 мян.тн-оор, банш бууз 3.4 тонноор, бетон зуурмаг 1500.1 мян.м3-аар, шохой 15.0 тонноор, цемент 28.5 мян.тонноор, дээл 104 ширхгээр, жижг оёдол 1273.6 мян.төгрөгөөр, хайрга 8.1 мян.м3-аар тус тус илүү үйлдвэрлэгджээ.
Дэлгэрэнгүй

СТАТИСТИКИЙН БАЙГУУЛЛАГА ҮҮСЧ ХӨГЖСӨНИЙ 95 ЖИЛИЙН ОЙГ ТЭМДЭГЛЭН ӨНГӨРҮҮЛЛЭЭ.

Нийтэлсэн: 2019 он 11 сар 15. 01 цаг 22 минут
Монгол улсад Статистикийн байгууллага үүсч хөгжсөний 95 жилийн ойн баярыг тохиолдуулан сумдын Санхүүгийн албаны дарга, багийн Засаг дарга нарын нэгдсэн зөвлөгөөнийг 2019 оны 11 дүгээр сарын 12-ны өдөр зохион байгууллаа. Үүнд: “Жендэрт суурилсан хүчирхийлэл-2018” үндэсний судалгааны үр дүнгийн тархаалтын семинар, дадлага ажлыг зохион байгуулж, мөн суманд статистикийн үйл ажиллагааг хариуцан ажиллаж буй албан хаагчдын чөлөөт цагийг зөв боловсон өнгөрүүлэх, түүхт ойн үйл ажиллагааг хамт олонч эвсэг байдлаар тэмдэглэх, хамт олны дунд эерэг дулаан уур амьсгалыг бүрдүүлэх зорилгоор нөхөрсөг гар бөмбөг, буухиа тэмцээнийг зохион байгууллаа. Мөн сум, багийн статистикийн үйл ажиллагааг сайжруулах, анхан шатны мэдээний үнэн зөв, бодит байдлыг хангаж, олон жил үр бүтээл, идэвхи санаачилгатай ажиллаж, статистикийн салбарын үйл ажиллагаанд өөрийн бодитой хувь нэмэр оруулсан хичээл, зүтгэлийг нь үнэлж “Бүртгэл, статистикийн тэргүүний ажилтан” цол тэмдгээр Хөвсгөл сумын 1-р багийн Засаг дарга М.Сайнбуян, ҮСХ-ны "Хүндэт жуух бичиг"-ээр, Хөвсгөл сумын 2-р багийн Засаг дарга Ц.Батчулуу, Хатанбулаг сумын 6-р багийн Засаг дарга Ө.Мөнгөнхөлөг, Сайхандулаан сумын 2-р багийн Засаг дарга М. Батцэнгэл, 4-р багийн Засаг дарга М.Батдэлгэр, хэлтсийн "Өргөмжлөл"-өөр Айраг сумын Санхүүгийн албаны дарга Б.Цэрэн, Улаанбадрах сумын 1-р багийн Засаг дарга М.Мөнх-Эрдэнэ нарыг шагнаж, урамшууллаа.
Дэлгэрэнгүй

СУРГАЛТ ЗОХИОН БАЙГУУЛЛАА.

Нийтэлсэн: 2019 он 11 сар 11. 08 цаг 49 минут
Монгол улсад Статистикийн байгууллага үүсэн байгуулагдсаны 95 жилийн ойн баярыг тохиолдуулан ерөнхий боловсролын сургуулийн ахлах ангийн сурагчдын статистикийн боловсролыг нэмэгдүүлэх, статистикийн байгууллагын үйл ажиллагааг сурталчилах зорилгоор 2019 оны 11 дүгээр сарын 11-ний өдөр сургалт зохион байгуулав. Сургалтанд ерөнхий боловсролын 1,3,5-р сургуулийн 60 гаруй сурагчид хамрагдсан. Энэ удаа аймгийн нийгэм, эдийн засгийн гол үзүүлэлтүүд, түүнд нөлөөлж буй хүчин зүйл болон статистикийн байгууллагын үүсэл, хөгжлийн талаар мэдээлэл хүргэлээ. Мөн Хүн ам, орон сууцны 2020 оны ээлжит тооллогын зорилго, ач холбогдол, зохион байгуулж явах аргачлалын талаар мэдээлэл хийж, Монгол Улсын иргэн регистрийн дугаараар бүртгүүлэн нэвтэрч, багт хөтлөгддөг “Хүн ам, өрхийн бүртгэл”-ийн сан дахь өөрийн болон өрхийн гишүүдийнхээ мэдээллийг шалгаж баталгаажуулах сайтын талаар сурталчилсан болно. Сургалтын үеэр сурагчдын дунд хөгжөөнт АХА тэмцээн зохион байгуулж, 40 орчим сурагч оролцсоноос ерөнхий боловсролын 3-р сургуулийн 10а ангийн сурагч Т.Хашцэцэг тэргүүлж, 5-р сургуулийн 10а ангийн сурагч О.Номинжин удааллаа.
Дэлгэрэнгүй

СТАТИСТИКИЙН АЛБА ҮҮСЧ, ХӨГЖСӨНИЙ ТҮҮХТ 95 ЖИЛИЙН ОЙН БАЯРЫН МЭНД ХҮРГЬЕ.

Нийтэлсэн: 2019 он 11 сар 11. 03 цаг 26 минут
Өнө эртний уламжлалтай, эдийн засгийн ууган салбаруудын нэг Үндэсний статистикийн байгууллага нь эдийн засаг, нийгэм, хүн ам зүйн талаар шинжлэх ухааны арга зүйгээр тооцсон, статистикийн үнэн бодит мэдээлэл, судалгаагаар төр, ард түмэндээ үйлчлэх эрхэм зорилтоо нэр төртэй биелүүлсээр 95 жилийн ойтой золгож байна. Монгол Улсын анхдугаар их хурал 1924 оны 11 дүгээр сарын 10-нд гаргасан тогтоолдоо”…тус улсын бүх тоо бүртгэх явдал маш нарийн чухал болох тул одоо тоо бүртгэх хэлтэс байгуулж уг хэргийг эрхлэн явуулбал зохино” гэж заагаад тус хурлаар хэлэлцэн баталжээ. Үүний дараа 1924 оны 11 дүгээр сарын 11-ний өдөр тэр үеийн дотоод яамны бүтцэд улсын тоо бүртгэлийн хэлтсийг анх байгуулснаар статистикийн албаны үндэс суурь тавигдсан байна. Статистикийн салбарт ажиллаж буй та бүхэндээ, ажиллаж байсан үе үеийн ахмад ажилтнууддаа түүхэн тэмдэглэлт өдрийн баярын мэнд хүргэе
Дэлгэрэнгүй

СУРТАЛЧИЛГААНЫ АЖИЛ ЗОХИОН БАЙГУУЛЛАА

Нийтэлсэн: 2019 он 11 сар 08. 07 цаг 25 минут
Хүн ам, орон сууцны 2020 оны ээлжит тооллогын бэлтгэл ажлын хүрээнд Улсын бүртгэлийн хэлтэс, Татварын хэлтэс, Сайншанд сумын ЗДТГ, 3-р багийн ажлын алба, Галба өөш, долоодын сав газрын захиргаа, аймгийн ЗДТГ-ын Архивын тасгийн ажилтан албан хаагчдад сурталчилгааны ажил зохион байгууллаа. Энэ удаагийн тооллогын гол онцлог нь хүн амын 90,0 хувийг бүртгэлд суурилсан аргаар тоолох юм. Монгол Улсын иргэн регистрийн дугаараар бүртгүүлэн нэвтэрч, багт хөтлөгддөг “Хүн ам, өрхийн бүртгэл”-ийн сан дахь өөрийн болон өрхийн гишүүдийнхээ мэдээллийг шалгаж баталгаажуулах сайтын талаар мэдээлэл хийлээ. Мөн аймгийн нийгэм, эдийн засгийн 2019 оны 3-р улирлын байдлаар инфографик, Статистикийн өврийн дэвтэр-2018 зэргийг хэрэглэгчдэд тархаалаа.
Дэлгэрэнгүй

СУРТАЛЧИЛГААНЫ АЖЛЫГ ЗОХИОН БАЙГУУЛАВ.

Нийтэлсэн: 2019 он 11 сар 05. 09 цаг 12 минут
Хүн ам, орон сууцны 2020 оны ээлжит тооллогын бэлтгэл ажлын хүрээнд Хөдөлмөр, халамж үйлчилгээний газар болон Сайншанд сумын багийн ажлын албаныханд сурталчилгааны ажил зохион байгууллаа. Энэ удаагийн тооллогын гол онцлог нь хүн амын 90,0 хувийг бүртгэлд суурилсан аргаар тоолох юм. Монгол Улсын иргэн регистрийн дугаараар бүртгүүлэн нэвтэрч, багт хөтлөгддөг “Хүн ам, өрхийн бүртгэл”-ийн сан дахь өөрийн болон өрхийн гишүүдийнхээ мэдээллийг шалгаж баталгаажуулах сайтын талаар мэдээлэл хийлээ.
Дэлгэрэнгүй

ХҮН АМ, ОРОН СУУЦНЫ 2020 ОНЫ ЭЭЛЖИТ ТООЛЛОГЫН БЭЛТГЭЛ АЖЛЫН ХҮРЭЭНД ТӨРИЙН БАЙГУУЛЛАГА, ХҮН АМД ЧИГЛЭСЭН СУРТАЛЧИЛГААНЫ АЖЛЫГ ЭХЛҮҮЛЭВ.

Нийтэлсэн: 2019 он 10 сар 29. 04 цаг 07 минут
Монгол Улсын "Статистикийн тухай хууль", "Хүн ам, орон сууцны тухай хууль", УИХ-ын 2017 оны 76, 77 дугаар тогтоолын дагуу хүн ам, орон сууцны ээлжит тооллого 2020 оны 01-р сарын 09-нөөс 01-р сарын 15-ны өдрүүдэд явагдана. Энэ удаагийн тооллогын гол онцлог нь хүн амын 90,0 хувийг бүртгэлд суурилсан аргаар тоолох бөгөөд өмнөх тооллоготой харьцуулахад ихээхэн хөрөнгө, хүн хүч, цаг хугацааг хэмнэсэн онцлогтой юм. Хүн ам, орон сууцны тооллого нь хүн амын регистрийн бүртгэлд суурилсан аргаар зохион байгуулагдах бөгөөд Монгол Улсын иргэн регистрийн дугаараар бүртгүүлэн нэвтэрч, таны амьдардаг багт хөтлөгддөг “Хүн ам, өрхийн бүртгэл”-ийн сан дахь өөрийн болон өрхийн гишүүдийнхээ мэдээллийг шалгаж баталгаажуулснаар энэхүү тооллогод шууд хамрагдаж байгаа юм.
Дэлгэрэнгүй

  САРЫН ШУУРХАЙ МЭДЭЭ
  МЭДЭЭ ТАЙЛАНГИЙН МАЯГТ
  ЗААВАР АРГАЧЛАЛ
  ДИНАМИК СУДАЛГАА
  ЗУРГИЙН ЦОМОГ
  ПРОГРАМ ХАНГАМЖ (мэдээ)
    АЖЛЫН БАЙРНЫ СУЛ ОРОН ТОО
 

 

  
/ 2020 оны 01-р сарын 02 ний өдрийн байдлаар/
Алтан тариа  /1-р гурил/ кг 1150

      

Хонины мах кг   7000  
Үхрийн мах /цул/ кг 11000  
Ямааны мах кг  5833  
Элсэн чихэр кг 1900  
Цагаан будаа кг 2267  
Малын шингэн сүү, /үхэр/ л        2500  
Ноолуур бор, цагаан, кг  0  
Боодолтой өвс /20 кг/ 6480  
Бензин А-80, л 1810                                                          
Бензин А-92, л 1910  

Дизель түлш, л                  

2560  
Дэлгэрэнгүй...