2015 ОНЫ МАЛ ТООЛЛОГЫН ДҮН ГАРЛАА.

Нийтэлсэн: 2016 он 01 сар 05. 11 цаг 42 минут
2015 оны жилийн эцсийн мал тооллогын дүнгээр 1801.2 мянган толгой мал тооллогдсоны дотор 36.1 мянган тэмээ, 131.6 мянган адуу, 70.0 мянган үхэр, 751.4 мянган хонь, 812.2 мянган ямаа тоологджээ. Нийт малын тоо өмнөх оноос 6.8 хувь буюу 114.4 мянган толгойгоор өсчээ. Мал сүргийн тоо таван төрөл дээрээ өссөний дотор тэмээ 3.7 хувь, адуу 8.9 хувь, үхэр 6.8 хувь, хонь 8.8 хувь, ямаа 4.8 хувиар өсөв. Нийт мал сүргийнхээ тоогоор Хатанбулаг сум 196.1 мянган толгой малаар тэргүүлж байгаа бол Дэлгэрэх 186.9, Даланжаргалан 158.2, Айраг 143,0, Сайхандулаан 138.7мянган толгой мал тоолуулж эхний 5 сумдын тоонд орж байна. Таван төрлөөрөө тэмээ, ямаагаар Хатанбулаг сум, адуу, үхэр, хониор Дэлгэрэх сум тэргүүлж байна.
Дэлгэрэнгүй

САЙНШАНД, ЗАМЫН-ҮҮД, ИХХЭТ, АЙРАГ СУМЫН ЕРӨНХИЙ БОЛОВСРОЛЫН СУРГУУЛИЙН ТӨГСӨХ АНГИЙН СУРАГЧДАД СТАТИСТИКИЙН МЭДЛЭГ ОЛГОХ СУРГАЛТ ЗОХИОН БАЙГУУЛЛАА

Нийтэлсэн: 2015 он 11 сар 16. 17 цаг 00 минут
ҮСХ нь Монгол Улсад Статистикийн алба үүсэн байгуулагдсаны ойн өдрийг улсын хэмжээнд ерөнхий боловсролын сургуулийн ахлах ангийн сурагчдад хандсан бүтээлч байдлаар тэмдэглэж ирсэн бөгөөд 2013, 2014 онд “Статистикийн боловсрол” сэдэвт хичээлийг нийслэл, аймаг, дүүргийн ЕБ-ын 129 сургуулийн 6500 гаруй сурагчдад заасан билээ. Уламжлал ёсоор Статистикийн 91 жилийн ойн өдөр буюу 2015 оны 11 дүгээр сарын 11-ний өдөр Статистикийн хэлтсийн ажилтнууд “Статистикийн боловсрол” сэдэвт хичээлийг аймгийн хэмжээнд үйл ажиллагаа явуулж буй 4 сумын ЕБ-ын 12 жилийн сургуулийн төгсөх ангийн сурагчдад 3 дахь удаагаа заалаа.
Дэлгэрэнгүй

Дорноговь аймгийн нийгэм, эдийн засгийн байдал (10-р сар) -аар хэвлэлийн бага хурлыг зохион байгууллаа.

Нийтэлсэн: 2015 он 11 сар 11. 10 цаг 21 минут
Статистикийн хэлтсээс 2015 оны 11-р сарын 11-ний 09 цаг 30 минутанд орон нутгийн хэвлэл, мэдээллийнхэд зориулан хэвлэлийн бага хурал зохион байгууллаа. Хэвлэлийн бага хурлын илтгэлийг Дорноговь аймгийн нийгэм, эдийн засгийн байдлыг 2015 оны эхний 10 сарын дүнгээр бэлтгэж, Статистикийн хэлтсийн ахлах мэргэжилтэн Б.Цэрэндорж, мэргэжилтэн Г.Мөнхзул нар танилцуулав.
Дэлгэрэнгүй

"САЙН ЧАНАРТАЙ ТООН МЭДЭЭЛЭЛ САЙН САЙХАН АМЬДРАЛД" ӨДӨРЛӨГ ЗОХИОН БАЙГУУЛЛАА.

Нийтэлсэн: 2015 он 10 сар 28. 12 цаг 43 минут
Нэгдсэн Үндэсний Байгууллагын Ерөнхий ассемблей 2010 оны 10 дугаар сарын 20-ны өдрийг “Албан ёсны статистикийн ололт амжилтыг тэмдэглэх нь” гэсэн ерөнхий уриан дор Дэлхийн статистикийн өдөр болгон тэмдэглэж байсан. Хоёр дахь удаагийн Дэлхийн статистикийн өдрийг 2015 оны 10 дугаар сарын 20-ны өдөр "Сайн чанартай тоо мэдээлэл сайн сайхан амьдралд” гэсэн ерөнхий уриан дор дэлхий нийтээр тэмдэглэн өнгөрүүллээ.
Дэлгэрэнгүй

Та Монгол Улсын хэд дэх иргэн бэ?

Нийтэлсэн: 2015 он 10 сар 20. 10 цаг 20 минут
Та Монгол Улсын хэд дэх иргэн бэ? гэх агуулгатай мэдээллийг сүүлийн үед сошиал ертөнц болон цахим мэдээллийн хуудсуудаар ихээр хүлээн авч байна уу. Энэ талаар албан ёсны дараах тайлбарыг хүргэж байна. Монгол Улсын Хүн ам, орон сууцны 2015 оны завсрын тооллогын онцлог түлхүүр нь энэхүү СОНИРХОЛТОЙ СТАТИСТИК юм. Та бүхэн санаж байгаа байх. Хүн ам, орон сууцны 2010 оны ээлжит тооллого нь улс орон даяар олон мянган тоологч, шалгагч нар 7 хоногийн хугацаанд өрх бүрээр орж мэдээлэл цуглуулах зарчмаар явагдаж байсан. Харин энэ удаагийн хүн ам, орон сууцны тооллого нь хүн амын регистрийн бүртгэлд суурилсан аргаар зохион байгуулагдаж эхлээд байна. Өөрөөр хэлбэл, дээрх СОНИРХОЛТОЙ СТАТИСТИК-ийг гаргаж байгаа http://e-registration.nso.mn/web хуудсаар Монгол Улсын иргэн регистрийн дугаараар бүртгүүлэн нэвтэрч, Таны амьдардаг баг, хороонд хөтлөгддөг “Хүн ам, өрхийн бүртгэл”-ийн сан дахь өөрийн мэдээллээ шалгаж баталгаажуулснаар энэхүү тооллогод шууд хамрагдаж байгаа юм. Түүнчлэн, улс даяар тооллогын гэрээт ажилтан танай өрхөд очиж эсвэл танай өрх рүү холбогдож, “Хүн ам, өрхийн бүртгэл”-ийн мэдээллийг шалгаж баяжуулах ажил хийгдэж байна.
Дэлгэрэнгүй

Дорноговь аймгийн нийгэм эдийн засгийн байдал (2015 оны 9-р сар)-аар хэвлэлийн бага хурлыг зохион байгууллаа.

Нийтэлсэн: 2015 он 10 сар 12. 18 цаг 12 минут
Статистикийн хэлтсээс 2015 оны 9-р сарын 12-ний 14 цаг 00 минутанд орон нутгийн хэвлэл, мэдээллийнхэд зориулан хэвлэлийн бага хурал зохион байгууллаа. Хэвлэлийн бага хурлын илтгэлийг Дорноговь аймгийн нийгэм, эдийн засгийн байдлыг 2015 оны эхний 9 сарын дүнгээр бэлтгэж, Статистикийн хэлтсийн мэргэжилтэн Х.Өлзийсүрэн, Г.Мөнхзул нар танилцуулав. Энэ үеэр 2015 оны Хүн ам, орон сууцны завсрын тооллогын ач холбогдол, зохион байгуулалт, иргэдийн үүрэг оролцооны талаар сэтгүүлчийн асуусан асуултанд хариулж, товч яриа өглөө.
Дэлгэрэнгүй

БАЯР НААДМЫН МЭНДЧИЛГЭЭ

Нийтэлсэн: 2015 он 07 сар 09. 14 цаг 05 минут
Их соён гэгээрүүлэгч, ноён хутагтын өлгий нутгийн зон олондоо Ардын хурвьсгалын 94 жил, Дорноговь аймаг байгуулагдсаны 84 жил, Монгол Улсад Статистикийн албан үүсч хөгжсөний 91 жилийн ойн баярын мэнд хүргэж, аз жаргал, эрүүл энх амжилт бүтээлийн дээд бүхнийг хүсэн мэндчилье.
Дэлгэрэнгүй

ДОРНОГОВЬ АЙМГИЙН АЖИЛ ЭРХЛЭЛТИЙН БАЙДАЛ 2014 ОНД

Нийтэлсэн: 2015 он 06 сар 19. 18 цаг 13 минут
Дорноговь аймгийн ажил эрхлэлтийн 2014 оны судалгааг боловсруулан гаргалаа. Хөдөлмөр эрхлэлт нь улс орны эдийн засгийн хөдөлмөрийн зах зээлийн төлөв байдал, эдийн засгийн өсөлт болон хөгжлийн хандлагаас хамаарч байдаг онцлог салбар юм. Хөдөлмөрийн зах зээлийг үр ашигтай ашиглаж хөгжүүлэх нь хөгжлийн бодлогын төлөвлөлтөнд ихээхэн ач холбогдолтой гэж үздэг. Энэ судалгааны гол зорилго нь Монгол Улсын “Статистикийн тухай” хуулийн заалтыг хэрэгжүүлэх, хөдөлмөрийн статистикийн суурь мэдээллийг баяжуулж, хөдөлмөр эрхлэлтийн хэв шинжийг бүрэн хамруулсан дүн шинжилгээ хийх, хөдөлмөр эрхлэлтийг нэмэгдүүлэх, ажилгүйдэл, ядуурлыг бууруулахад чиглэгдсэн бодлого, хөтөлбөр боловсруулах, тэдгээрийг хэрэгжүүлэх, үйл ажиллагаанд хяналт, шинжилгээ хийх, хөдөлмөрийн зах зээлийг зөв төлөвшүүлэн хөгжүүлэхэд бодлого боловсруулагч, шийдвэр гаргагчдад мэдээллийн эх сурвалжийг бий болгоход оршино.
Дэлгэрэнгүй

  САРЫН ШУУРХАЙ МЭДЭЭ
  МЭДЭЭ ТАЙЛАНГИЙН МАЯГТ
  ЗААВАР АРГАЧЛАЛ
  ДИНАМИК СУДАЛГАА
  ЗУРГИЙН ЦОМОГ
  ПРОГРАМ ХАНГАМЖ (мэдээ)
 

 

 7 хоногийн үнийн мэдээ /2018 оны 10-р сарын 10 ны байдлаар/
              Нэр төрөл Үнэ /төг/
  Гурил, I зэрэг, кг 1067
  Хонины мах, кг

5833

  Үхрийн мах, кг 9000
  Ямааны ястай мах,  4667
  Элсэн чихэр, кг 1900
  Цагаан будаа, кг 2200
  Шингэн сүү, л 2000
  Ноолуур, кг 75000
  Бензин, А-80 1837
  Бензин, А-92 1938
  Дизелийн түлш 2302

.....................................................Дэлгэрэнгүй.